Ek bojh sa...

Dil pe ek bojh sa hai, kise Doon. 
Ye kissa ab har Roz sa hai, kise kahoon 

Bas do pal ke liye uthaale koi, main saans Le loon 
Zindagani wakeyi Kya hai, Ye Ehsaas Le loon 

Ateet ke kuch panne hain, hai ek dhool bhari Kitaab 
Kya khoya us Ka Lekha hai, Bhaari hai behissab. 

Nigahon ki is talaash mein , bojh badhta jaye! 
Bojh najane Kaisa hai, khalipan Saath Le aaye 

Apne apne bojh sab ke kandhon par, Mera kaun uthaye? 
Unki nigaahein Mujhse Madad maange, dil mein aas jagaye 

Aakhir Kisi aur par Taras kha kar Maine bhi muskura diya 
Ek muskurahat udhaar dekar, Uska Ka bojh sar Le Liya 

Uss dil ne tohfe mein 'Dua' di, to najane Kya Ho gaya
Dusron ke pairon se kankar hataya, to Mera bojh Kahin kho Gaya!